Crónica do concerto en Vigo - O nacemento dun coro.

Un novo coro ven a formar pare do conxunto de coros da polifonía galega.Onte , 30 de Outubro foi a súa presentación no auditorio da Fundación Mayeusis en Vigo.Estamos a falar do Coro Polifónico O Coto que fixo unha presentación máis que aceptable nun auditorio que estaba a rebosar.
Os nosos amigos do  Orfeón Condado Paradanta abriron o concerto no que tiveron unha destacada actuación amosando o seu saber cun repertorio fermoso e axeitado.Nós,os do Coro de Entenza deixamos claro que estamos a traballar arreo para seguir medrando.Ambolos dous coros non decepcionaron , así o recoñeceu o público que aplaudiu largamente cada un dos temas interpretados.
Mais onte a estrela do concerto foi o Coro Polifónico o Coto, que da man de Javier Alonso , amosou que ten un futuro prometedor e esperanzador.Vaia a nosa felicitación para eles eo noso agradecemento por ternos invitado ao evento.

Orfeón Condado Paradanta.

 O Coro Polifónico O Coto.